Pep Guardiola, stjóri Manchester City, hefur svarað goðsögninni Jamie Carragher fullum hálsi en hann lék á sínum tíma með Liverpool og enska landsliðinu.

Carragher gagnrýndi framherjann Erling Haaland í vikunni og vill meina að Norðmaðurinn sé að horfa á einstaklingsverðlaun frekar en að hjálpa sínu liði sem vann þrennuna í fyrra.

Guardiola þvertekur fyrir þessi ummæli Carragher og segir að Haaland sé í þessu til að hjálpa City og sínum liðsfélögum eins og aðrir leikmenn félagsins.

,,Markmiðið er ekki að vinna Ballon’Dor,“ sagði Guardiola í samtali við blaðamenn.

,,Markmiðið er að vinna ensku úrvalsdeildina, Meistaradeildina, bikarinn og deildabikarinn og hann hefur gert það.“

,,Þetta væri ekki hægt án hans, það sem við unnum 2023, fimm titlar og án hans hefði það ekki gerst.“