Helgi Fannar Sigurðsson skrifar frá Wroclaw
Íslenska karlalandsliðið flaug í dag til pólsku borgarinnar Wroclaw frá Búdapest. Liðið mætir Úkraínu hér í borg á þriðjudag.
Ísland tryggði sér úrslitaleik um sæti á EM gegn Úkraínu með frábærum 4-1 sigri á Ísrael í Búdapest í síðustu viku. Nú tekur við öllu erfiðara verkefni en Úkraína er með frábæra leikmenn innanborðs.
Í Wroclaw gistir íslenska liðið á The Bridge Wroclaw – MGgallery hótelinu. Um er að ræða fimm stjörnu hótel þar sem allt er til alls.
Myndir af hótelinu eru hér að neðan.
