Samkvæmt heimildum 433.is höfðu bæði KR og Víkingur áhuga á að fá Gylfa Þór Sigurðsson í sínar ráðir áður en hann skrifaði undir hjá Val.

Samkvæmt mjög öruggum heimildum 433.is skrifaði Gylfi undir við Val í gær eins og við sögðum frá þá. Gríðarleg ánægja er í leikmannahópi Vals með komu hans samkvæmt sömu heimildum.

KR og Víkingur höfðu bæði áhuga á að fá Gylfa í sínar raðir en hann ákvað að semja við Val, hefur hann æft með liðinu undanfarið á Spáni.

Gylfi Þór fékk hins vegar ekki tilboð frá sínum gömlu félögum á Íslandi, Gylfi lék með FH og Breiðablik áður en hann hélt í atvinnumennsku árið 2005.

Samkvæmt heimildum 433.is reyndu þessi félög ekki að klófesta þennan magnaða knattspyrnumann.

Gylfi samdi við Val í gær en þar með er 19 ára atvinnumannaferli hans lokið. Gylfi lék með Lyngby fyrir áramót en rifti samningi sínum þar í upphafi árs.

Hann var samningsbundinn liðum í ensku úrvalsdeildinni í tíu ár en þar lék hann með Swansea, Tottenham og Everton og var iðulega á meðal bestu miðjumanna deildarinnar.

Ljóst er að heimkoma Gylfa er hvalreki fyrir Val og Bestu deildina en búast má við auknum áhuga á deildinni með komu Gylfa.