Nýkjörin stjórn knattspyrnudeildar Breiðabliks átti sinn fyrsta reglulega fund mánudaginn 11. mars. Félagið greinir frá því að konur séu nú fleiri í stjórninni en karlar.
„Á fundinum báru hæst fjölbreytt verkefni fyrir sumarið en strákarnir eiga sinn fyrsta heimaleik í Bestu deildinni 8. apríl og stelpurnar 22. apríl en einnig var farið yfir ýmis önnur skemmtileg viðfangsefni sem eru á borði stjórnarinnar. Að loknum fundi var tekin mynd í blíðunni á Kópavogsvelli,“ segir á vef félagsins
Á myndina vantar Bjarna Bergsson, formann meistaraflokksráðs karla.
,,Það heyrist stundum í umræðunni að konur þurfi að vera duglegri að segja ,,já!” – kannski snýst það meira um að þær séu spurðar eða starfsumhverfið sé skemmtilegt og hvetjandi fyrir alla”, segir Flosi formaður og kveðst spenntur fyrir sumrinu.
