Aleksandr Kokorin, leikmanni Fiorentina á Ítalíu, var eitt sinn boðið 16 klukkutíma kynlífsmaraþon með klámstjörnunni Alina Henessy. Það eina sem Kokorin þurfti að gera var að skora fimm mörk í tíu leikjum.

Rússneska klámyndaleikkonan Alina Yeremenko, sem gengur undir dulnefninu Alina Henessy, bauð Aleksand Kokorin upp á kynlífsmaraþon með sér. Kokorin var þá leikmaður Dynamo Moskvu en þetta var árið 2015.

Yeremenko staðfesti boðið í samtali við Eurosport þegar henni voru sýndar myndir af rússneskum knattspyrnumönnum og hún beðin um að gefa þeim útlitseinkunn frá núll upp í tíu. Hún gaf Kokorin fullt hús stiga.

„Ef Aleksandr Kokorin tekst að skora fimm mörk áður en tímabilinu lýkur þá lofa ég að halda 16 klukutíma kynlífsmaraþon, bara til að heiðra hann,“ sagði Yeremenko.

Hann fékk tilboðið í apríl þegar tíu leikir lifðu tímabils en tókst einungis að skora eitt mark í leikjunum og endaði tímabilið með 10 mörk í 39 leikjum.

Í viðtalinu líkti Yeremenko fótbolta við klám en þar starfa fullt af ‘myndarlegum strákum.’

Kokorin er samningsbundinn Fiorentina en spilar þessa stundina með Aris Limassol í Kýpur á lánssamningi.