Íþróttavikan er á sínum stað þennan föstudaginn líkt og alltaf. Hörður Magnússon og Edda Sif Pálsdóttir fara yfir allt það helsta.

Hörður er einn dáðasti íþróttalýsandi landsins og Edda Sif er ein af stjörnum RÚV þegar kemur að umfjöllun um íþróttir.

Guðni Bergsson bauð sig fram til formanns KSÍ um síðustu helgi en fékk ekki mikinn stuðning, mjög lítinn miðað við það sem reiknað var með.

Edda telur að framboð hans hafi líklega komið of snemma eða tveimur og hálfu ári eftir að. hann sagði af sér.

„Kannski líður einhverjum eins og þetta hafi ekki verið uppgert, þetta voru afsakanir og eins og þetta væri öðrum að kenna. Hann baðst afsökunar í ræðu sinni á þinginu, sem var í fyrsta sinn svona opinberlega,“ segir Edda.

Þorvaldur Örlygsson var kjörinn formaður KSÍ og tók við af Vöndu Sigurgeirsdóttur.

„Eitt sem mér finnst skrýtið, ég heyrði engan af þeim hrósa Vöndu. Hún tekur við fáránlegar aðstæður, er búinn að gera alls konar góða hluti.“

„Mér fannst ódýrt að pikka í einhverjar milljónir í ársreikningi, voru af eðlilegum og hægt að útskýra ástæðurnar ,“ segir Edda.

Hörður tók þá til máls og ræddi mistök Vöndu að hans mati „Undirskrift um nýjan samning Arnar Þór Viðarsson og uppsögn nokkru síðar, ég set stórt spurningarmerki við það,“ segir Hörður en Arnar Þór var rekinn í mars eftir tvo leiki í undankeppni EM.

„Síðasta verk Vöndu og hennar stjórnar er að gera nýjan samning við Age Hareide, það ætti að vera verk hjá nýjum formanni og stjórn að taka ákvörðun um málið.“