Liverpool er enskur deildabikarmeistari 2024 eftir sigur á Chelsea í úrslitaleik á Wembley í kvöld.
Leikurinn var ansi fjörugur og fengu bæði lið nóg af færum en Liverpool var án margra lykilmanna í viðureigninni.
Þrátt fyrir öll færin var ekkert mark skorað í venjulegum leiktíma en tvö voru dæmd af vegna rangstöðu.
Það þurfti því að útkljá leikinn í framlengingu þar sem Virgil van Dijk tryggði þeim rauðklæddu sigur.
Van Dijk átti frábæran skalla eftir hornspyrnu sem tryggði sigur og verður mikið fagnað í Liverpool í kvöld.
Chelsea hefði mögulega átt að missa mann af velli í fyrri hálfleik en Moises Caicedo bauð upp á mjög groddaralegt brot.
Caicedo fékk ekki gult spjald en Ryan Gravenberch þurfti að fara af velli vegna meiðsla.
Just a reminder that this was not a yellow card or red card. Gravenberch was taken out in a stretcher.
Caicedo is out there still tackling people like there’s no repercussions. pic.twitter.com/tEhjHhtBbn
— LFC Transfer Room (@LFCTransferRoom) February 25, 2024
