„Ég vann með Guðna í tvö ár og ég þekki Þor­vald líka,“ sagði Vign­ir Már Þormóðsson frambjóðandi til formanns KSÍ í samtali við Morgunblaðið.

Vignir er að berjast við Þorvald Örlygsson og Guðna Bergsson um embættið en 147 þingfulltrúar KSÍ kjósa formann sambandsins á laugardag.

Vignir segist vera mjög hissa á því að Guðni sé í framboði og er það vegna þess að Guðni sagði starfi sínu lausi haustið 2021.

„Við höf­um all­ir okk­ar kosti og all­ir okk­ar galla. Ég er samt undr­andi á Guðna að bjóða sig fram, miðað við það sem gerðist. Það er ekki hægt að segja neitt annað en að hann hafi hrökklast úr embætti, og öll stjórn­in fylgdi svo í kjöl­farið,“ segir Vignir.

Guðni og stjórn KSÍ sagði af sér eftir að málefni landsliðsmanna báru á góma og þeir voru sakaðir um ýmislegt misjafnt. Vignir telur Guðna ekki hafa gert málið upp á nógu góðan hátt.

„Mér finnst hann ekki hafa sýnt þá auðmýkt til baka og það er kannski það sem mér finnst skrítn­ast í þessu.“