Það stefnir í gríðarlega spennu þegar kosið verður til formanns KSÍ, Guðni Bergsson, Þorvaldur Örlygsson og Vignir Már Þormóðsson sækjast allir eftir starfinu sem Vanda Sigurgeirsdóttir hefur sinnt í rúm tvö ár.

Orðið á götunni hefur heyrt ýmsar útgáfur af niðurstöðunni síðustu daga en ómöuglegt er að lesa í spilinn.

Guðni sem er fyrrum formaður sambandsins á sína stuðningsmenn, öruggt er talið að Valur muni kjósa hann en Guðni sækir hann einnig styrk sinn í Suðvestur-kjördæmið eins og það er kallað. Hann er sagður eiga örugg atkvæði frá Keflavík, Njarðvík, Þrótti Vogum og Reyni Sandgerði. Selfyssingar hafa lengi haldið upp á Guðna og minni félög þar í kring munu einnig styðja hann.

Þorvaldur Örlygsson mætir til leiks með sín atkvæði og er talið næstum öruggt að bæði Stjarnan og Breiðablik muni kjósa hann, Fram og HK eru félög sem hann hefur sterkar tenginar í. HK mun að öllum líkindum styðja Þorvald en í röðum Fram er tekist á um það hvor styðja eigi Þorvald eða Guðna ef marka má orðið á götunni. Þorvaldur á svo stuðningsmenn víða um land, hann sækir atkvæði á Austurlandið og á Ólafsfirði er litið upp til Þorvaldar og fær hann atkvæði frá KF.

Vignir Már er sterkur á Noðurlandi og mætir á laugardaginn með atkvæðin frá bæði KA og Þór ef marka má orðið á götunni, fleiri atkvæði eru í poka Vignis að norðan. Hann sækir svo atkvæði frá Vestra, ÍA og Grindavík ef marka má sögurnar. Atkvæðin frá ÍBV fara einnig til Vignis enda er í hann samfloti með Inga Sigurðssyni, Eyjamanni sem býður sig fram til stjórnar og styður Vigni.

Þá er talið líklegt að FH muni styðja Vigni en óvíst er hvert atkvæðin frá KR og Víkingi Reykjavík falla. Fleiri félög halda þétt að sér spilunum en ekki er hægt að lesa í kortin hjá Aftureldingu, Fylki og Þrótti svo dæmi séu tekin.

Atkvæðin virðast því skiptast ansi jafnt á milli manna og minni félög og félög sem hafa ekki tekin ákvöðrun munu hafa mikið að segja. Hver ber sigur úr býtum ætti að liggja fyrir um klukkan 17:30 á laugardag.