Stórstjarnan Neymar er oft á milli tannanna á fólki en hann hefur verið umdeildur í þónokkur ár.
Neymar er forríkur og hikar ekki við að eyða eigin peningum en hann spilar í dag með Al Hilal í Sádi Arabíu.
Neymar spilaði fyrir það með Barcelona og Paris Saint-Germain en hefur ekki spilað í langan tíma vegna meiðsla.
Það þarf lítið til að fólk bauni á Neymar á samskiptamiðlum en hann fékk enn og aftur hatur eftir nýja færslu á Instagram.
,,Nýtt barn!“ skrifaði Neymar og birti mynd af rándýrri Rolls Royce Ghost bifreið sem hann var að fjárfesta í.
Kommentin sem fylgdu voru svo sannarlega ekki falleg en Neymar er ekki of vinsæll í Sádi eftir að hafa lítið sem ekkert spilað eftir að hafa meiðst á síðasta ári.
,,Þú ert svo asnalegur. Nýtt barn? Ertu að líkja börnum við bíla? Það er eitthvað að þér ofdekraði krakki,“ skrifar einn til Neymar. Annar bætir við: ,,Eins fallegt og það er að eignast börn þá ert þú ekki fær, ekki eignast fleiri börn.“Neymar á nú þegar tvö börn og er það þriðja á leiðinni en kærasta hans er komin um fjóra mánuði á leið.
Hér má sjá myndir af bifreiðinni sem og færslu Neymar.