Xavi, stjóri Barcelona, lét ansi athyglisverð ummæli falla í gær þegar kemur að erkifjendum félagsins í Real Madrid.
Xavi vill meina að Real fái ótrúlega mikla hjálp frá dómurum deildarinnar og þá spes meðferð miðað við önnur lið.
Xavi hikar ekki við að tjá sig um málið en hann mun láta af störfum sem stjóri Barcelona í sumar.
,,Ég er nú þegar búinn að segja það að mér líkar ekki við að Real Madrid sé að hafa áhrif á dómarana en það gerist í hverri viku,“ sagði Xavi.
,,Dómararnir munu flauta. Ég er alveg sammála orðum forsetans og þetta er sannleikurinn, við getum ekki blekkt stuðningsmenn Barcelona.“
,,Jafnvel blindur maður getur séð hvað er í gangi, Diego Simeone sagði um daginn að við værum ekki heimskir. Allir sjá hvað er í gangi en fjölmiðlar þurfa að fjalla um málið.“
