Valentijn Driessen blaðamaður í Hollandi segir að kaup Ajax á Jordan Henderson séu ekki góð, þarna sé félag sem er í krísu að reyna að bjarga sér.
Ajax hefur verið í tómu tjóni á þessu tímabili og fékk Henderson frá Sádí Arabíu í gær.
„Öll merkin um þetta eru rauð, Ajax fer í djúpu vasana sína til að fá Jordan Henderson,“ segir Valentijn Driessen í pistli sínum.
„Ajax borgar honum 25 milljónir evra fyrir tvö og hálft ár. Þetta er bara panikk, Henderson er kominn yfir sitt besta eftir þrjú ár hjá Sunderland, tólf ár hjá Liverpool og hálft ár í Sádí Arabíu.“
„Hann er enginn bjargvættur fyrir Ajax, Henderson hjá Liverpool hefði aldrei viljað enda í hollenska boltanum.“
Henderson verður launahæsti leikmaður Ajax og telur Valentijn Driessen að félagið sé að setja peningana á vitlausan stað þarna.
