Gylfi hefur nú æft af kappi með Lyngby í þrjár vikur en hann er að snúa aftur á knattspyrnuvöllinn í fyrsta sinn síðan um vorið 2021 þegar hann var hjá Everton.
Í tilefni að fregnunum ræddi Gylfi við heimasíðu Lyngby.
„Fyrstu vikurnar hafa verið mjög góðar. Það hefur gengið vel á æfingum og hér eru góðir leikmenn. Veðrið hefur verið ótrúlegt svo það er ekki yfir neinu að kvarta,“ segir hann meðal annars þar.
Hann var spurður út í af hverju hann valdi Lyngby.
„Aðallega út af Frey (Alexanderssyni). Ég talaði líka við Alfreð (Finnbogason) um félagið og allt sem þeir sögðu var mjög jákvætt og mér fannst þetta vera rétti staðurinn fyrir mig til að fara á.“
Það kom til greina fyrir Gylfa að rífa fram takkaskóna hér á Íslandi.
„Ég var með nokkuð mörg tilboð frá Íslandi og það kom til greina því ég vil vera nálægt dóttur minni og eiginkonu. Mér leið vel heima á Íslandi.“
Það má sjá viðtalið í heild hér að neðan.
