Ryan Giggs er tilbúinn að snúa aftur í þjálfun og gæti tekið við liði Salford City á næstu vikum eða mánuðum.
Frá þessu greina enskir miðlar en Giggs gerði flotta hluti með landsliði Wales áður en hann steig til hliðar.
Ástæðan var sú að fyrrum kærasta Giggs, Kate Greville, ásakaði hann um ofbeldi en welska goðsögnin var sýknuð í júlí.
Greville kærði Giggs fyrir heimilisofbeldi og sakaði hann einnig um að hafa ráðist að systur sinni, Emma Greville.
Giggs er í dag alveg frjáls sinna ferða og gæti tekið við Salford bráðlega ef slæmt gengi liðsins heldur áfram í League 2.
Giggs er einn af eigendum Salford sem situr í 19. sæti League 2 á Englandi eftir fyrstu átta leikina.
