Breiðablik þarft á kraftaverki að halda ætli liðið áfram í næstu umferð forkeppni Meistaradeildarinnar.

Blikar spiluðu fínan leik gegn FC Kaupmannahöfn í kvöld en um er að ræða eitt stærsta lið Norðurlandana.

Tveir Íslendingar leika með FCK en Ísak Bergmann Jóhannesson og Orri Steinn Óskarsson komu báðir inná sem varamenn.

Óskar Hrafn Þorvaldsson ræddi við blaðamenn eftir tap sinna manna í kvöld.

,,Að einhverju leyti má segja að þetta hafi verið ósanngjörn niðurstaða en að öðru leyti þá nýttu þeir færin sín og fengu ekki á sig mark,“ sagði Óskar.

,,Þegar þú spilar á móti liði í þessum gæðaflokki þá þarftu að negla þetta og ef þú gerir það ekki algjörlega getur þetta farið svona.“

Það tók FCK ekki nema eina mínútu að skora í kvöld og viðurkennir Óskar að það hafi verið ansi hressilegt högg.

,,Það var högg og smá sjokk, það var mest það. Þetta er búið og þú getur ekki hugsað um það meira og þarft að reyna að koma þér inn í leikinn og hjálpa liðinu að ná áttum.“

,,Við stóðum ágætlega upp eftir þetta. Við höfum oft lent undir í Evrópu og klórað okkur upp úr holunni sem við búum til sjálfir. Við náðum þeim ekki í dag en við verðum að læra af þessu.

Nánar er rætt við Óskar hér.