Cristiano Ronaldo var pirraður út í fyrrum liðsfélaga sinn Christian Eriksen fyrr á þessu tímabili.

Það var þegar Ronaldo lék með Manchester United líkt og Eriksen en sá fyrrnefndi fór eftir HM í Katar og samdi við Al-Nassr í Sádí-Arabíu.

Ronaldo er einn besti leikmaður sögunnar og vildi auðvitað vera aðalmaðurinn og fá að taka aukaspyrnur liðsins.

Í eitt skipti ákvað Eriksen að taka boltann og skjóta að marki frekar en Ronaldo sem gerði Portúgalann ansi pirraðan á meðan leik stóð.

,,Jafnvel í dag hjá félaginu þá erum við með nokkra sem geta tekið spyrnuna, ef leikmaður er að eiga góðan dag þá fær hann tækifærið,“ sagði Eriksen.

,,Ég tók eina í stað Ronaldo en hann var ekki beint ánægður með það. Nú erum við um þrír á vellinum sem geta tekið spyrnuna en þetta snýst um hvernig þér líður og ef einhver tók sá síðustu þá fær hinn að taka næstu.“