„Ég hafði áhyggjur af því að við myndum slaka vel á miðað við það sem við höfum gert síðustu mánuði,“ sagði Pep Guardiola stjóri Manchester City eftir 1-1 jafntefli gegn Brighton í ensku úrvalsdeildinni í gær.

Guardiola og félagar tóku á móti titlinum fyrir sigur í deildinni á sunnudag og eftir það hófst mikill gleðskapur samkvæmt Guardiola.

„Fyrir fjörtíu klukkutímumu drukkum við allt áfengið í Manchester og miðað við það vorum við frábærir.“

„Ég naut þess mikið að verða meistari,“ segir stjórinn sem var stoltur af sínu liði.

„Við vissum vel að þetta yrði erfiður leikur, Brighton er magnað lið á alla kanta, þess vegna eru þeir á leið í Evrópudeildina og þeir eiga það skilið.“

„Við sýndum líka af hverju við erum besta lið Englands.“