Leikmenn Arsenal fá það nú óþvegið á samfélagsmiðlum eftir að myndband birtist af þeim árita treyju ungrar stelpu.
Stúlkan unga er stuðningsmaður Arsenal og fékk þann heiður að leiða leikmenn inn á völlinn gegn West Ham um helgina. Því fylgir að fá að hitta leikmenn og þess háttar.
Hún stóð með treyju og fékk áritun frá öllum leikmönnum fyrir leik. Það sem vekur þó athygli að fáir sem enginn af þeim virðist gefa henni nokkurn gaum.
Leikmennirnir hafa verið harðlega gagnrýndir fyrir þetta af mörgum.
Þekkt nöfn blönduðu sér meira að segja í umræðuna. Þar á meðal var sjónvarpsmaðurinn Nick Knowles.
„Ég legg til að Arsenal fái stelpuna og fjölskyldu hennar aftur á völlinn svo leikmenn geti fengið annað tækifæri á að vera almennilegar manneskjur. Það þyrftu vissulega að þjálfa þá í því en kannski myndu þeir þá læra það,“ skrifaði hann harðorður.
Aðrir tóku upp hanskann fyrir leikmenn Arsenal. Einhverjir bentu á að þegar þú fáir að leiða inn á völlinn hittir þú leikmenn einnig í fleiri skipti í kringum leikinn og því gætu þeir hafa talað við hana þar.
Dæmi hver fyrir sig. Myndband af þessu er hér að neðan.
Making memories with our mascot ❤️ pic.twitter.com/LjGWmzd2Vl
— Arsenal (@Arsenal) April 16, 2023
