Thomas Tuchel hefur opnað sig um brottreksturinn frá Chelsea en hann var látinn fara frá félaginu í fyrra.
Tuchel gerði frábæra hluti með Chelsea um langt skeið og vann til að mynda Meistaradeildina með félaginu eftir að hafa tekið við af Frank Lampard.
Brottreksturinn kom mörgum á óvart og þar á meðal Tuchel sem fundaði með eigendum félagsins í fimm mínútur.
Tuchel er kominn í nýtt starf í dag og er stjóri Bayern Munchen í Þýskalandi.
,,Þetta kom mér verulega á óvart. Fundurinn entist í aðeins þrjár til fimm mínútur klukkan átta um morguninn,“ sagði Tuchel.
,,Við töldum allir að við værum á réttri leið og þurftum tíma til að byggja eitthvað upp. Nú bíður mín ný áskorun.“
,,Okkar samband við starfsfólkið hjá Chelsea var gott og ég á enn marga vini þar sem mun ekki breytast.“
Enski boltinn á 433 er í boði 
