Það er möguleiki á að miðjumaðurinn Arthur Melo nái loksins að sanna sig sem leikmaður Liverpool.

Fjallað er um málið í Liverpool Echo en Arthur kom til Liverpool í sumar í láni frá ítalska félaginu Juventus.

Arthur hefur spilað 13 mínútur fyrir Liverpool á tímabilinu en hann kom inná sem varamaður í leik gegn Napoli í september.

Ekki löngu seinna meiddist Brasilíumaðurinn en er nú loksins mættur til baka og gæti komið við sögu fyrir lok deildarinnar.

Nokkrir miðjumenn Liverpool eru meiddir þessa stundina og gæti þetta verið kjörið tækifæri fyrir Arthur að sanna sig loksins í treyju félagsins.