Gary Neville olli reiði á samfélagsmiðlinum Twitter í gær fyrir að líka við og endurtísta færslum sem sneru að málefnum Mason Greenwood.

Allar ákærur á hendur Greenwood, sem er leikmaður Manchester United, voru látnar niður falla í gær.

Hann hefur ekki spilað fótbolta í meira en ár í kjölfar þess að hann var ákærður fyrir tilraun til nauðgunar, stjórnandi hegðun og líkamsárás, allt gegn fyrrverandi kærustu sinni Harriet Robson.

Nú hefur allt hins vegar verið látið niður falla.

Fyrrum ríkissaksóknarinn Nazir Afzal birti nokkrar færslur á Twitter sem hljóðuðu á þann veg að Greenwood væri saklaus og að „það væri allt sem almenningur þyrfti að vita.“ Þá talaði hann um að maður væri saklaus uns sekt er sönnuð.

Neville virtist sammála honum og líkaði við eina færslu og endurtísti annari.

Þessi fyrrum leikmaður United sagði svo í gærkvöldi að þetta hafi verið klaufalegt.

„Það er verið að mistúlka þetta ‘like’. Þetta var klaufalegt því ég fordæmi auðvitað allt ofbeldi gegn konum.“

Óvíst er hver næstu skref eru hjá Greenwood og hvort hann snúi aftur á knattspyrnuvöllinn.