Erik ten Hag, stjóri Manchester United, býst ekki við því að félagið semji við nýja leikmenn í janúarglugganum.
United er með ágætis breidd þessa stundina en margir heimta frekari styrkingu í sóknarlínuna og aðrir í varnarlínuna.
Ten Hag er þó ekki að búast við að leikmenn verði keyptir í janúar en allar líkur eru á að liðið verði styrkt næsta sumar.
,,Ég býst ekki við því. Það er mikið sem getur gerst í þessum glugga og við þurfum að vera með augun opin,“ sagði Ten Hag.
,,Ef eitthvað kemur upp eða eitthvað óvænt þá þurfum við að vera tilbúnir að bregðast við.“