Terry Byrne, umboðsmaður Gareth Southgate hefur rænt peningum af skjólstæðingum sínum sem þeir áttu hjá honum. Hann segist ætla að borga til baka.

Byrne hefur tekið peninga sem Southgate, Joe Cole, Glenn Hoddle og fleiri áttu inni hjá honum.

Peningana notaði hann til að kaupa stóra hæð í miðborg London. Búist er við að Southgate muni slíta öll tengsl við hann vegna þess.

Sagt er í enskum blöðum að peningarnir sem Southgate og Hoddle eiga báðir inni hjá Bryne séu verulegir. Hann hafði ekki leyfi til að nota peningana.

Byrne er þekktastur fyrir að hafa verið umboðsmaður David Beckham í fimm ár og sá um að koma honum til LA Galaxy frá Real Madrid.

Hann hefur svo séð um mál Southgate frá árínu 2016 og gert samninga fyrir hann sem hafa skilað Southgate yfir 4 milljörðum í sinn vasa.

Byrne segist hafa gert mistök með því að nota peningana og að hann ætli sér að borga allt til baka.