Arnar Gunnlaugsson er skrefi nær því að taka við Norrköping í Svíþjóð. Þessu heldur hlaðvarpsþátturinn, Dr. Football fram.

„Eina sem ég veit að þeir fengu leyfi til að ræða við hann, þeir þurfa að koma svo í gegnum okkur. Ég býð eftir því, ég veit ekki hvar þetta er en veit að þeir hafa rætt saman,“ segir Kári Árnason, yfirmaður knattspyrnumála í samtali við 433.is

Arnar hefur átt í samtali við sænska félagið undanfarnar vikur.

Víkingur varð Íslands og bikarmeistari undir stjórn Arnars á þessu ári en velgengni hans hefur verið mikil. Ekki er við öðru búist en að Sölvi Geir Ottesen taki við, fari Arnar til Svíþjóðar.

Arnar Gunnlaugsson hefur unnið sex titla með Víking, liðið varð tvisvar Íslandsmeistari undir hans stjórn og fjórum sinnum bikarmeistari.

Andi Lucas Guðjohnsen, Arnór Ingvi Traustason og Ísak Andri Sigurgeirsson eru í herbúðum Norrköping sem leikur í efstu deild þar í landi.