Kylian Mbappe, stórstjarna PSG og Frakklands, hefur svarað ummælum Luis Enrique sem hann lét falla nýlega.

Enrique gagnrýndi þar Mbappe eftir leik við Reims en sá síðarnefndi skoraði þrennu í öruggum sigri.

Enrique segir að Mbappe geti gert mun meira en bara skorað mörk og komu ummælum mörgum á óvart.

Mbappe segist þó vera vanur þessu en hann hefur áður fengið gagnrýni frá þjálfurum sínum á ferlinum.

,,Ég hef alltaf átt gott samstarf með þeim þjálfurum sem ég vinn með, Didier Deschamps, Mauricio Pochettino, Thomas Tuchel svo eitthvað sé nefnt,“ sagði Mbappe.

,,Þetta eru þjálfarar sem hafa talað ‘illa’ um mig ef hægt er að orða það þannig en það stöðvar mig ekki í að spila vel eða þá að samband okkar sé slæmt.“

,,Ég þarf engan þjálfara til að segja mér að ég sé besti leikmaður heims á hverjum einasta degi.“