Kári Árnason, yfirmaður knattspyrnumála hjá Víkingi var gestur í Íþróttavikunni um helgina. Þessi fyrrum landsliðsmaður í knattspyrnumaður fór víða yfir sviðið.

Ari Freyr Skúlason lagði skóna á hilluna síðustu helgi en þessi 36 ára gamli leikmaður átti farsælan feril.

Kári fer fögrum orðum um hann sem liðsfélaga. „Það var æðislegt, ég talaði um það í útsendingu þegar ég ræddi um vinstri bakvarðarstöðuna. Fólk gerir sér ekki grein fyrir því hversu góður hann var í fótbolta, hann var ekki bara bakvörður. Hvernig hann leysti stöðuna miðað við hæð var ótrúlegt,“ segir Kári.

„Hann var out-ball fyrir vörnina, hann leysti allar erfiðar stöður og fann Gylfa, Birki og Aron vel. Hann var lykilmaður í þessu frábæra liði.“

„Fyrir hávaxna menn að eiga við hann á æfingum var hræðilegt, leikinn og með góðar sendingar.“

Hrafnkell Freyr Ágústsson segir að það hafi verið gaman að fylgjast með Ara. „Maður sá að lið voru að reyna að finna veikleika, það var augljóst að það var vinstri bakvörðurinn okkar. Hann græjaði það bara yfirleitt alltaf.“

Umræða er hér að neðan.