Jón Rúnar Halldórsson, fyrrum formaður knattspyrnudeildar FH og stjórnarformaður hjá Íslenskum toppfótbolta í dag telur það fullreynt að formaður KSÍ sé í starfi hjá sambandinu. Hann kallar eftir því að forminu verði breytt og formaður verði aðili sem verði ekki í starfi hjá sambandinu.
Jón Rúnar sagði frá þessu í hlaðvarpsþættinum Tveir á tvo fyrir helgi. Vanda Sigurgeirsdóttir hefur greint frá því að hún ætli að hætta störfu og því verður kosið um formann í febrúar.
Jón segir það ekki hafa komið á óvart að Vanda hafi tekið þessa ákvörðun miðað við sögusagnir vikurnar á undan. „Út af því þá er þetta ekki óvænt, óvænt að því leyti til að hún hafði mikil áform uppi þegar hún var að byrja en henni entist ekki dugur til. Hennar langar standa eitthvert annað, það þýðir ekki að vera í jobbi sem þú nennir ekki að vera í,“ segir Jón í Tveir á tvö.
„Þá kemur upp þessi staða, þá eru margir tilkallaðir en sumir óaðspurðir. Svo fara einhverjir á stjá og eru að máta sig við þetta, það er gott.“
Jón segir að hann og fleiri séu á því að breyta þurfi skipuriti KSÍ, fá inn stjórnarformann sem mætir aðeins á stjórnarfundi en ráða svo inn hæfasta mögulega fólkið til að reka sambandið.
„Í ljósi þess hver þróunin hefur verið undanfarin ár, þá eru all margir og ég þar með talinn. Okkur finnst þessi skipan mála að formaður sé launþegi hreyfingarinnar, að það sé búið spil. Það er fullreynt, fyrir því eru margar ástæður.“
„Það er ástæða fyrir því í stærri fyrirtækjum, þá er KSÍ stórt fyrirtæki. Það er einhver ástæða fyrir því að menn hafi stjórnarformann sem vinnur þannig, fær launaða fundi en hann ber ábyrgð á starfan stjórnarinnar. Við margir hverjum teljum að þetta sé framtíðin, þetta þýðir að við þurfum að ráða inn top of the line framkvæmdarstjóra, fjármálastjóra, starfsmannastjóra og hvað heitin eru öll.“
„Það er að verða þannig bragur á því, starfsfólk og annað að það er ekki nógu mikið skikk á hlutum. Það verður vegna þess að yfirstjórnin er ekki nógu þétt, þetta finnst mér vera aðalatriðið. Manni þykir það þrengja úrvalið þegar það er starfandi stjórnarformaður.“
Viðtalið er í heild hér að neðan
