Kristian Nökkvi Hlynsson miðjumaður Ajax hefur verið í síðustu landsliðshópum Age Hareide en ekki fengið að spila, meiðsli eru meðal annars ástæða þess.
Kristian á nú orðið fast sæti í byrjunarliði Ajax en ljóst er að hann fær tækifæri með landsliðnu, fyrr en síðar.
„Ég er mikill aðdáandi hans, hann hefur ekki spilað en hann meiddist í baki fyrir leikinn gegn Liechtenstein í október og gat ekki spilað,“ segir Hareide um þennan 19 ára pilt.
„Hann hefði fengið tækifæri þar hefði hann verið heil heilsu.“
Hareide hefur hrifist af frammistöðu hans síðustu vikurnar með Ajax. „Hann er að spila vel með Ajax á erfiðum tíma hjá félaginu, hann hefur komið sér í liðið.“
„Ég er mjög hrifin af honum, hann er ungur en spilar eins og leikmaður með reynslu. Hann er maður framtíðarinnar en getur komið inn hjá okkur fljótlega. Ég hef skoðað hann vel, hann þarf að öðlast þekkingu með leikönnum okkar en það kemur fljótt miðað við hæfileika hans.“
