Elín tók takkaskóna fram að nýju um mitt síðasta tímabil og skrifaði undir hjá Þrótti. Þessi mikli markaskorari hafði áður aðeins leikið með Val hér heima.
„Ég geri ekki ráð fyrir öðru en að hún verði áfram,“ segir Ólafur í sjónvarpsþættinum 433.is. Hann segist hafa rætt við leikmanninn í síðustu viku, en hún er samningsbundin út næstu leiktíð.
„Það er frábært að hafa leikmenn eins og hana, sem hefur þessa reynslu á að vera í landsliði og toppfótbolta og vinna.“
Elín á að baki 62 A-landsleiki og var Ólafur spurður út í það hvort hann sæj fyrir sér að hún myndi spila fyrir Íslands hönd á ný nú þegar skórnir eru komnir fram aftur.
„Hún hefur allar forsendur til þess út frá knattspyrnulegri getu og þess háttar. Svo eru aðrir hlutir sem geta spilað þar inn í. En hún er virkilega góður leikmaður.“
