Tveir sænskir ríkisborgarar voru myrtir í Brussel, höfuðborg Belgíu, í kvöld. Voru þeir mættir þangað til að fylgja eftir landsliði sínu.
Yfirvöld í Belgíu rannsaka málið sem hryðjuverk og er því búið að blása af landsleik Belgíu og Svíþjóðar, en leikmenn Svíþjóðar sögðu við UEFA að þeir kærðu sig ekki um að spila seinni hálfleikinn og belgísku leikmennirnir tóku undir.
Stuðningsmennirnir voru myrtir rétt hjá leikvanginum þegar stutt var í að leikurinn færi af stað.
Leikurinn var í gangi í höfuðborginni þegar yfirvöld kröfðust þess að leik yrði hætt. Árásarmaðurinn flúði af vettvangi og gengur enn laus. Yfirvöld í Belgíu hafa gefið út að málið sé rannsakað sem hryðjuverk, en myndband hefur verið birt á samfélagsmiðlum þar sem karlmaður segir á arabísku að hann beri ábyrgð á árásinni og hafi gert það í nafni guðs. Hann bætti við að hafa myrt þrjár manneskjur. Yfirvöld hafa séð myndbandið en eru ekki búin að sannreyna það.
Stuðningsmönnum sænska liðsins er ráðlagt að vera áfram á vellinum þar sem yfirvöld óttast að árásarmennirnir vilji jafnvel myrða fleiri úr þeirra hópa.
Forsætisráðherra Belgíu, Alexander De Croo, hefur sent sænska kollega sínum samúðarkveðju.
„Hugur okkar er með fjölskyldum og vinum sem misstu ástvini sína. Sem nánir samstarfsaðilar þá er baráttan við hryðjuverk sameiginleg.“
Franski innanríkisráðherran, Gérard Darmanin, hefur tilkynnt að Frakkland muni auka gæslu á landamærum sínum við Belgíu í forvarnarskyni.
OFFICIAL: Belgium vs. Sweden has been suspended after following the fatal shooting of two Swedish nationals in Brussels. Prosecutors say they are treating the shooting as terrorism.
The game was taking place at the King Baudouin Stadium in the Belgian capital.#EURO2024
— Squawka Live (@Squawka_Live) October 16, 2023
I have just offered my sincere condolences to @SwedishPM following tonight’s harrowing attack on Swedish citizens in Brussels.
Our thoughts are with the families and friends who lost their loved ones.
As close partners the fight against terrorism is a joint one.
— Alexander De Croo 🇧🇪🇪🇺 (@alexanderdecroo) October 16, 2023
