Age Hareide, landsliðsþjálfari Íslands, útilokar ekki að Gylfi Þór Sigurðsson verði í byrjunarliði Íslands gegn Lúxemborg á morgun.
Hareide segir það forréttindi að vinna með Gylfa sem er í fyrsta sinn í landsliðshópnum í tæp þrjú ár.
„Ég þekki Gylfa frá fyrri tíð, fyrsti leikurinn minn með Dani var gegn Íslandi þar sem hann skoraði,“ sagði Hareide léttur á fundi í dag.
„Ég hef séð hann mest með Tottenham, ég veit að hann er góður leikmaður. Hann er með eitthvað í löppunum og hausunum sem allir ættu að hafa, það væri alla vegana gott ef allir hefðu það.“
Hareide segir að Gylfi æfi mjög vel og að það sjáist hversu mikið hann nýtur þess að klæðast bláu treyjunni.
„Hann hefur æft vel, hann hefur verið einbeittur og virkað glaður að vera aftur með íslenska liðinu. Hann nýtur fótboltans, það mikilvægasta sem eldri leikmaður er að njóta. Þegar hann fékk færi á æfingu þá sett hann boltann í skeytin, á einfaldan hátt. Hann lyftir liðinu. Hann þarf bara að finna formið, leikformið. Hann er með allt, það er gott að sjá hann aftur.“
Hvort Gylfi Þór byrji leikinn sagði Hareide. „Þið verðið að bíða og sjá, þá sjáum við hvað gerist þegar leikurinn fer af stað.“
