Age Hareide kynnir sinn nýjasta landsliðshóp á miðvikudag á fjarfundi. A landslið karla mætir Lúxemborg á Laugardalsvelli föstudaginn 13. október klukkan 18:45 í undankeppni EM 2024. Þremur dögum síðar er það leikur við Liechtenstein.
Hareide vann sinn fyrsta leik sem þjálfari Íslands í september þegar liðið mætti Bosníu á heimavelli.
Sverrir Ingi Ingason gæti komið inn í hópinn frá síðasta verkefni en þá var hann frá vegna meiðsla, hann hefur náð heilsu og spilar nú með Midtjylland.
Vonir stóðu til um að Gylfi Þór Sigurðsson gæti snúið aftur en hann missir af leik Lyngby í dag vegna meiðsla og endurkoma hans í landsliðið ólíklegt á þessum tímapunkti.
Jóhann Berg Guðmundsson er frá vegna meiðsla en ætti að vera klár í slaginn í nóvember. Þá er fyrirliði liðsins, Aron Einar Gunnarsson áfram frá vegna meiðsla.
Albert Guðmundsson er svo ekki í boði fyrir Hareide en reglur KSÍ banna val á leikmanni sem er undir rannsókn vegna kynferðisbrots.
Íslenska liðið þarf að vinna báða þessa heimaleiki til að eiga veik von á öðru sæti riðilsins.
