David Seaman, fyrrum markvör og Arsenal goðsögn, er efins um þá ákvörðun Mikel Arteta að fá David Raya til liðsins og spila honum á kostnað Aaron Ramsdale.
Raya kom nokkuð óvænt til Arsenal frá Brentford í sumar og hefur spilað undanfarna leiki, en Ramsdale hefur eignað sér stöðu aðalmarkvarðar undanfarin ár.
„Ég veit ekki hvort mér hefði líkað við þetta þegar ég var að spila. Ég er viss um að Schmeichel hefði ekki gert það heldur. Þetta var samt öðruvísi fyrir 20 árum. Leikurinn hefur breyst og Mikel er að prófa eitthvað nýtt. Mun það virka? Ég veit það ekki ef ég á að vera hreinskilinn. Ég er enn hissa yfir því að Aaron sé kominn á bekkinn,“ segir Seaman.
„Þetta var skrýtið sumar. Aaron var frábær á síðustu leiktíð. Hann var valinn markmaður í liði tímabilsins af leikmönnum, hann var það góður. Þetta hlýtur að vera smá áfall fyrir hann. En hann verður að takast á við það og Mikel verður að sjá til þess að hann sé glaður. Þeir komu sér í þessa stöðu því þeir fengu annan mjög góðan markvörð inn í liðið.“
