Fyrirsætan Clara Galle hefur réttilega látið í sér heyra eftir áreiti sem hún þurfti að þola á samskiptamiðlum.

Galle er mikil stuðningskona Osasuna á Spáni og fékk frábærar móttökur er hún mætti á leik liðsins við Sevilla á dögunum.

Galle gat ekki verið ánægðari með framkomu og vinnubrögð félagsins en var alls ekki sátt með ummælin sem hún fékk á samskiptamiðla sína.

Þar voru brjóst Galle aðal umræðuefnið en margir bentu á að hún væri að stilla sér upp í myndatökur án brjóstarhaldara.

Það er að sjálfsögðu hennar val og vissi Galle alveg hvað hún var að gera og er undrandi á að fólk geti ekki fundið skemmtilegra umræðuefni.

,,Ég hef mætt á El Sadar síðan ég var lítil, dagurinn í gær var frábær og þeir gátu ekki komið betur fram við mig,“ sagði Galle.

,,Ég vil þakka félaginu enn eina ferðina, takk fyrir mig. Ég þarf hins vegar að svara þessum ummælum sem ég hef lesið á samskiptamiðlum.“

,,Þegar ég klæddi mig fyrir ferðina á völlinn þá bjóst ég ekki við því að geirvörturnar mínar yrðu umræðuefnið. Ég hef aldrei séð eins hegðun í garð leikmanns sem rífur sig úr treyjunni á vellinum.“

,,Ég er ekki að gera neitt rangt með því að klæðast ekki brjóstarhaldara. Það pirrar mig að brjóstin mín séu umræðuefnið á meðan það er svo mikið annað til að ræða.“