Íþróttavikan heldur áfram að rúlla á 433.is og í Sjónvarpi Símans undir hlekk Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og gestur þeirra að þessu sinni var Ríkharð Óskar Guðnason, Rikki G.

Hansi Flick var rekinn sem þjálfari þýska karlalandsliðsins á dögunum eftir 4-1 tap gegn Japan. Þjóðverjar féllu einnig úr leik í riðlakeppni HM í Katar.

„Það hefur verið einhver kergja komin og þetta var greinilega síðasta hálmstráið. Eins og mér leist vel á hann þegar hann var hjá Bayern. Ég hélt kannski að þetta yrði sá sem kæmi með heimsmeistaratitilinn aftur til Þjóðerja,“ sagði Ríkharð um málið.

Hrafnkell tók til máls.

„Ég held að þetta sýni vel hvað það er mikill munur á félagsliða og landsliðsbolta. Við sjáum að Arnar Þór var gjörsamlega reynslulaus í landsliðsbolta og virtist ekki vera að finna sig þar. Ég held það sé það sama með Hansi Flick. Hann er vanur því að vera með leikmenn á hverjum einasta degi, þar sem hann getur myndað einhverja hugmyndafræði og talað við leikmenn á hverjum degi. Þarna ertu bara kominn í allt annað game.“

Umræðan í heild er í spilaranum.