Mike Phelan, fyrrum aðstoðarþjálfari Manchester United, telur að háar kröfur Cristiano Ronaldo hafi orðið til þess að skilnaður hans við félagið var eins og raun bar vitni.

Ronaldo gekk í raðir United í annað skiptið sumarið 2021 en fór undir lok síðasta árs eftir að vera kominn út í kuldann undir stjórn Erik ten Hag. Hann opnaði sig í viðtali við Piers Morgan þar sem hann gagnrýndi félagið harðlega.

Phelan var aðstoðarþjálfari Unted þegar Ronaldo sneri aftur til félagsins.

„Þegar hann kom aftur var hann mun eldri og hafði miklu sterkari skoðanir. Hann setti enn miklar kröfur og það var frábært að vinna með honum,“ segir Phelan.

„Mér líkaði við þetta því hann vildi ekki lækka sinn eiginn staðal. Hann vildi að aðrir myndu hækka sína staðla fyrir sig.“

Phelan segir að ekki allir hafi tekið vel í kröfur Ronaldo.

„Ég man að stundum var hann að ýta á menn en fékk ekki nein viðbrögð. Þá varð mikill pirringur. Þegar þú starfar með topp, topp einstaklingum snýst þetta um þá og hvert þeir vilja fara. Þeir vilja ná árangri.

Ronaldo vissi líklega að hann gæti ekki náð því hér og leitaði því annað,“ segir Phelan að lokum.

Ronaldo spilar í dag með Al Nassr í Sádi-Arabíu.