Antony kantmaður Manchester United hefur birt skilaboð á milli sín og Ingrid Lana sem er ein af þeim konum sem sakar hann um ofbeldi.

Antony segir að skilaboðin sanni að þau hafi bara einu sinni hist og það hafi ekkert vandamál verið þar á milli.

Fyrrum unnusta Antony sakar hann um hrottalegt ofbeldi og Lana heldur því fram að hún hafi einnig mátt þola ofbeldi frá Antony.

Vegna þessara mála er Antony komin í frí frá æfingum Manchester United en hann harðneitar sök.

„Hann reyndi að stunda kynlíf með mér en ég vildi það ekki, hann ýtti mér upp við vegg og ég skall með hausinn í vegginn,“ segir Lana.

Antony segir þetta ekki vera rétt. „Ég vil þetta ekki en ég mun sýna ykkur skilaboð á milli mín og Ingrid, við hittumst bara einu sinni og það voru náin kynni með samþykki,“ segir Antony.

„Þetta mál vegna þessara fölsku áskanna verður leyst í dómsal.“

Í einum skilaboðunum sendir Lana á Antony: „Viltu að ég verði nakin upp í rúmi.“

Í öðrum skilaboðum er Antony pirraður á því að hún hafi tekið skjáskot af samskiptum þeirra og biður hana að eyða þeim.

Antony segir svo. „Ég var að tala við Ingrid þegar hún var í Portúgal, hún vildi koma til Manchester og spurði hvort hún hætti að vera í hvítum eða rauðum undirfötum,“ segir Antony.

„Ég keypti flugmiða og hótel fyrir hana, ég hitti hana á hótelinu þar sem við áttum nána stund.  Hún vildi ólm hitta mig aftur en ég gat það ekki og hún fór heim til Brasilíu. Ég hef ekki hitt hana síðan.“

„Þetta sannast allt í skilaboðunum okkar á milli,“ segir knattspyrnumaðurinn.