Það er stundum talað um það að knattspyrnumenn eigi ekki að stunda kynlíf degi fyrir leik, sumir þjálfarar hafa það sem reglu en erfitt getur verið að fylgjast með því hvort farið sé eftir slíkum reglum.
Eiginkonur knattspyrnumanna eru stundum að ræða kynlíf þeirra í viðtölum og oftar en ekki vekur það ansi mikla athygli.
Þannig hefur Victoria Beckham tjáð sig um samband sitt og David Beckham, þar kemur fram að hann sé með getnaðarlim í stærri kantinum.
Enska götublaðið The Sun tók saman ummæli frá unnustum knattspyrnumanna um það sem gerist á hvíta lakinu.
Wanda Nara um Mauro Icardi:
„Hann ætti að prufa að stunda kynlíf degi fyrir leik en Mauro er atvinnumaður og vill það ekki. Hann er bara klár ef leikurinn endar vel. Ef liðið tapar þá horfir hann ekki á mig.“
Abbey Clancy um Peter Crouch:
„Við rífumst aldrei, þegar ég var ólétt af Jack þá hötuðum við hvort annað. Við stunduðum ekkert kynlíf.“
Árið 2013 gerðist svo ekkert í 13 vikur þegar Abbey var að keppa í Strictly Come Dancing. „Segjum það bara eins og það er, Peter saknar mín. Ég þarf að eyða tíma með honum núna.“
Melissa Satta um Kevin Prince-Boateng:
,,Ástæðan fyrir því að hann er oft meiddur er að við stundum mikið kynlíf, oftast svona 7-10 sinnum í viku,“ segir Melissa án þess að blikka.
Vera Ribeiro um Rui Patricio
Á HM 2018 ráðlagði Vera öllum leikmönnum Portúgals að stunda sjálfsfróun, þar á meðal eiginmanni sínum. „Það kemur ekkert gott úr því að svelta sig kynferðislega. Knattspyrnumenn eiga ekki að sleppa kynlífi fyrir leiki, það er erfitt á stórmóti að hitta þá. Það er ekki hægt að segja að kynlíf skemmi fyrir knattspyrnumanni.“
Victoria Beckham um David Beckham:
„Ég er stolt af því að kynlífið okkar er mjög gott. David er með mjög stóran lim, hann er með það. Þú sérð það í auglýsingum.“
