Eins og flestir vita vann Arsenal ansi dramtískan sigur á Manchester United í ensku úrvalsdeildinni í gær.

Marcus Rashford kom United yfir gegn gangi leiksins á 27. mínútu leiksins í gær en Martin Ödegaard svaraði um hæl.

Alejandro Garnacho hélt svo að hann væri að tryggja United sigurinn á 88. mínútu er hann kom boltanum í netið en eftir skoðun í VAR kom í ljós að hann var naumlega rangstæður.

Þess í stað kom Declan Rice Arsenal yfir hinum megin á 96. mínútu áður en Gabriel Jesus innsiglaði 3-1 sigur heimamanna.

Arsenal var að vinna þriðja heimasigur sinn í röð gegn Manchester United í ensku úrvalsdeildinni en liðið vann Rauðu djöflanna einnig á síðustu leiktíð og þeirri þarsíðustu.

Þetta er í fyrsta sinn í sögu keppninnar sem þetta gerist. Tölfræðiveitan Squawka vekur athygli á þessu.

Arsenal have won three consecutive Premier League home games against Man Utd for the first time in the competition’s history.

Trust. The. Process. pic.twitter.com/PbETvcQNmr

— Squawka (@Squawka) September 3, 2023