KSÍ hefur úrskurðað Hólmar Örn Eyjólfsson, varnarmann Vals í eins leiks bann fyrir atvik sem átti sér stað í leik Vals og Víkings fyrir rúmri viku síðan.

Á aukafundi aga- og úrskurðarnefndar KSÍ þann 30. ágúst sl., var tekið fyrir erindi sem framkvæmdastjóri KSÍ sendi til nefndarinnar með vísan til greinar 19.2. í lögum KSÍ og 5. greinar reglugerðar KSÍ um aga- og úrskurðarmál. Erindið varðaði atvik er átti sér stað í
leik Vals og Víkings R. í Bestu deild karla þann 20. ágúst 2023. Erindið barst nefndinni þann 28. ágúst sl. og var þá ákveðið að gefa hlutaðeigandi aðilum kost á að skila skriflegri greinargerð um málið fyrir kl. 15:00 miðvikudaginn 30. ágúst.

Á fundi aga- og úrskurðarnefndar 30. ágúst lá fyrir skrifleg greinargerð frá knattspyrnudeild Vals dags. þann sama dag. Í greinargerð Vals segir m.a.; „[…]að leikmaður Vals Hólmar Örn Eyjólfsson er ekki að slá til leikmanns Víkings.
Leikmaður Vals Hómar Örn ýtir Erlingi Agnarssyni leikmanni Víkings frá sér eftir að sá síðarnefndi rífur í treyju hans og hangir í honum og truflar Hólmar með ólögmætum hætti í sínum leik. Einnig má sjá á myndbroti (myndbrot 2) að Hólmar hugar strax að Erlingi og tekur utan um hann og kannar hvort hann sé í lagi í kjölfarið stendur Erlingur strax upp án nokkra meiðsla. Hólmar, Erling og Erlendur dómari taka saman stutt spjall og leik haldið áfram.“

Það er mat nefndarinnar, samkvæmt fyrirliggjandi gögnum, að atvik það sem vitnað er til í greinargerð framkvæmdastjóra frá 28. ágúst sl. og jafnframt birtist á myndskeiðum sem fylgir greinargerð framkvæmdastjóra og greinargerð Vals, sé alvarlegt agabrot. Í
tilvitnuðu atviki sýnir leikmaður Vals, Hólmar Örn, af sér alvarlega grófan og hættulegan leik er hann slæmir hendi sinni í andlit leikmanns Víkings R. Erlings Agnarssonar. Atvik þetta hafi hvorki dómari né aðstoðarmenn hans séð í leik Vals og Víkings R. í Bestu deild karla þann 20. ágúst sl.

Ef einhver átti ekki skilið að fá einn á lúðurinn þá var það Erlingur Agnarsson 😁👊 pic.twitter.com/TQoH3dLLDg

— Einar Guðnason (@EinarGudna) August 23, 2023