Lyngby hefur staðfest komu Gylfa Þórs Sigurðssonar til félagsins en hann skrifar undir eins árs samning við danska félagið.
Þar með er endurkoma þessa magnaða knattspyrnumanns staðfest
„Ég hef átt mörg góð samtöl við fólkið hjá félaginu, það er ekkert leyndarmál að ég á mjög gott samband við Frey. Ég hef líka rætt við Alfreð Finnbogason sem er góður vinur minn, hann sagði mér mikið frá félaginu, stemmingunni og liðinu sjálfu. Freyr og Alfreð tala vel um félagið, ég get skilið af hverju þeir hafa svona mikið að segja,“ segir Gylfi og heldur áfram.
Gylfi lék síðast með Everton en samningur hans við enska úrvalsdeildarfélagið rann út síðasta sumar.
„Mín fyrstu kynni að Lyngby eru að þetta er vinalegt fjölskyldufélag, það er góð stemming í kringum liðið. Ég hef fengið góðar móttökur í hópnum og þeir virka frábærir. Þetta er hópur í góðu jafnvægi, ég er ánægður að vera hérna.“
Freyr Alexandersson er þjálfari Lyngby en í liðinu eru einnig Sævar Atli Magnússon, Kolbeinn Birgir Finnsson og Andri Lucas Guðjohnsen.
„Ég vona að ég geti nýtt hæfileikana mína og reynslu. Það er ungir leikmenn hérna og vonandi getum við lært af hvor öðrum og komist lengra.“
„Ég hef heyrt af þessum frábæru stuðningsmönnum hérna og ég er spenntur að hitta þá og spila fyrir framan þá.“
