Eiður Smári Guðjohnsen sérfræðingur Símans í enska boltanum var mættur á sinn gamla heimavöll, Stamford Bridge á sunnudag. Með í för var Tómas Þór Þórðarson, ritstjóri enska boltans á Símanum.

Chelsea gerði 1-1 jafntefli við Liverpool en Eiður er goðsögn á Brúnni eftir góða tíma hjá félaginu sem leikmaður.

Tómas Þór ræddi ferðina með Eiði til London á sunnudag í hlaðvarpsþætti Fótbolta.net. „Ég get sýnt ykkur myndband, við vorum þarna og Sky Sports sem vorum lengst í vinnunni,“ sagði Tómas Þór í byrjun um það hvernig er að ferðast með Eiði um Brúnna.

Eiður hitti þar félaga sinn Micah Richards sem virðist skulda þeim íslenska einhvern aur.

„Við vorum að bíða eftir að Ernir tökumaður kláraði að taka til, svo væri hægt að labba heim á leið. Þá voru Sky Sports að klára, þar voru Micah Richards, Daniel Sturridge, Roy Keane og Dave Jones. Við komum þar framhjá,“ segir Tómas

„Þeir heilsuðu allir Eiði og svo kom Micah og heilsaði Eiði og Eiður henti í gott „You still owe me money“, hann hló svo. Ég má ekki segja þessa sögu og ætla ekki að segja hana alla, menn hafa verið að skipta á húsnæði þegar þeir skipta um lið. Þetta var allt í góðu,“sagði Tómas Þór.

Þegar þessu var lokið var svo komið að því að koma sér heim af vellinum en þar lenti Eiður í hópi fólks sem vildi

„Við löbbum í gegnum aðaltorgið, þar var fólk að bíða eftir leikmönnum Chelsea sem eru í bílageymslu. Eiður vissi að það væri eitthvað að fara að gerast, það voru svona 100 manns á öllum aldri,“ sagði Tómas.

„Það er maður á mínum aldri sem kallar Eiður mjög hátt og fjandinn var laus, það báðu allir um myndir og hann tók þeim öllum. Fólk var að elta hann þarna, sjálfboðaliðarnir í kringum félagið sáu þetta og það kom einn lítill og þéttvaxinn. Hann stökk inn í hópinn og sagði að nú yrði Eiður að fá að labba.“