Moises Caicedo er á leið til Liverpool frá Brighton. Verður hann dýrasti leikmaður sem breskt félag hefur keypt. Gömul ummæli Jurgen Klopp vekja athygli í ljósi þessa.

Caicedo hafði verið orðaður við Chelsea en Liverpool mætti með 111 milljóna punda tilboð í gær sem var samþykkt.

Klopp lét í sér heyra þegar Manchester United keyptu Paul Pogba árið 2016 fyrir um 90 milljónir punda.

„Sá dagur þar sem fótboltinn er svona mun ég ekki vinna við þetta lengur. Leikurinn snýst um að spila saman,“ sagði Klopp á þessum tíma.

„Aðrir klúbbar geta farið og keypt bestu leikmennina. Ég vil ekki gera þetta svoleiðis. Ég myndi ekki einu sinni gera þetta svona þá ég hefði yfir þessum peningum að ráða.“

Klopp var spurður út í þetta í ljósi þess að Caicedo væri á leiðinni.

„Það hefur allt breyst. Líkar mér við það? Nei. Átta ég mig á að ég hafði rangt fyrir mér? Klárlega,“ segir Þjóðverjinn.

„Þetta er ekki frábært en svona er þetta. Sádi-Arabía er ekki að hjálpa. Ég er ekki að saka neinn um neitt en það hjálpar ekki að fá annan markað með svona mikinn pening inn í þetta.

Ef fólk vill kasta gömlum ummælum í mig er það ekkert vandamál. Þetta var mín skoðun á þessum degi og ég hafði rangt fyrir mér. Það er auðvelt að viðurkenna það.“