Wayne Bridge, fyrrum leikmaður Manchester City, er svo sannarlega enginn aðdáandi Roberto Mancini.

Mancini varð fyrsti stjórinn til að vinna ensku úrvalsdeildina með Manchester City en það gerðist árið 2012.

Bridge var þá á mála hjá Man City en var í láni hjá Sunderland og var ekki hluti af leikmannahópnum.

Bridge segist ‘hata’ Mancini og var miður sín er Ítalía vann enska landsliðið í úrslitum EM 2020 undir einmitt þess síðarnefnda.

,,Þetta særði mig svo mikið því ég hata Mancini, allir vita að ég hef enga ást fyrir þessum manni,“ sagði Bridge um sigur Ítalíu.

,,Ég myndi ekki segja að hann sé versti þjálfari sem ég hef unnið með en þegar kom að taktík þá var hann alls ekki góður. Það sem hann gerði var gott sem er erfitt að segja.“

,,Fjölskyldan mín var ekki bara að hvetja England áfram heldur vonaðist eftir því að Mancini myndi tapa svo þetta var ennþá verra. Ég náði aldrei saman við hann.“

,,Hann á skilið hrós fyrir það sem hann gerði hjá Manchester City þegar þeir unnu deildina og er elskaður þar en það voru leikmennirnir sem unnu þennan bikar, ekki hann sem þjálfari.“