Odion Ighalo, fyrrum leikmaður Manchester United, hefur skotið föstum skotum á leikmenn á borð við Cristiano Ronaldo.

Það er dæmi um leikmann sem hélt til Sádí Arabíu og vill meina að peningarnir þar í landi séu ekki aðal ástæðan fyrir komunni.

Ighalo sem er 34 ára gamall í dag lék sjálfur í Sádí Arabíu á síðustu leiktíð og segir að allir leikmenn á hans aldri séu að hugsa um peningana yfir allt annað.

,,Þegar þú ert ungur þá spilarðu fyrir ástríðuna. Á þeim tíma þá er þér alveg sama um peningana,“ sagði Ighalo.

,,Á mínum aldri, ég er á lokastigi ferilsins og ég veit ekki hvort ég eigi kannski eitt eða tvö ár inni eða hvenær Guð telur það rétt að stoppa.“

,,Í dag get ég ekki verið einn af þeim sem segist spila fyrir ástríðuna, bróðir, þetta eru peningarnir. Í lok dags snýst þetta allt um peningana.“

,,Er Ronaldo ennþá að spila vegna ástríðu? Hann hefur þénað 100 sinnum meira en ég hef gert á ferlinum og hann fór samt til Sádí Arabíu. Var það ástríðan? Bróðir, þetta er fyrir peningana.“