Liverpool er að undirbúa nýtt og betra tilboð í Romeo Lavia, leikmann Southampton. The Athletic segir frá.
Lavia, sem er aðeins 19 ára gamall, heillaði með Southampton á síðustu leiktíð en liðið féll úr ensku úrvalsdeildinni í vor.
Miðjumaðurinn hefur í kjölfarið verið sterklega orðaður við fjölda stórliða.
Liverpool er hins vegar efst í huga hans og vill leikmaðurinn halda þangað.
Liverpool lagði fram fyrsta tilboð í gær upp á 37 milljónir punda en því var hafnað af Southampton sem vill fá um 50 milljónir punda fyrir leikmanninn.
Það er talið líklegt að félögin muni ná saman og að málið verði leyst þannig að Liverpool greiði eitthvað minna en þessar 50 milljónir punda en möguleiki verði á greiðslum til Southampton síðar meir.
Jurgen Klopp hefur unnið í því að endurnýja miðsvæði sitt í sumar. Dominik Szoboszlai er kominn frá RB Leipzig og Alexis Mac Allister frá Brighton.
Þá eru miðjumenn einnig farnir eða á útleið.
