Kona á Englandi hefur stigið fram og ásakar stjörnu í ensku úrvalsdeildinni um að hafa nauðgað sér fyrir átta árum síðan.

Konan kemur ekki fram undir nafni en hún var 19 ára gömul á þessum tíma og segir knattspyrnumanninn hafa brotið á sér í partýi í heimahúsi.

,,Það er ekki möguleiki í helvíti að ég hafi verið nógu full til að rotast,“ er á meðal þess sem konan segir og var hún alls ekki dauðadrukkin er árásin átti sér stað.

,,Það sem ég upplifði daginn eftir var allt annað en þynnka. Ég var svo ringluð og meira þreytt en eitthvað annað.“

Hún bendir á að hún hafi aldrei hitt knattspyrnumanninn fyrir kynferðisbrotið en vinur hans hafi svo haft samband nokkrum mánuðum síðar.

Vinur árásarmannsins hafði samband og vildi meina að hún væri mjög hrifin af ákveðnu eiturlyfi sem hún sjálf segist ekki kannast við. Nafn eiturlyfsins er ekki tekið fram.

Atvikið eins og áður sagði átti sér stað í heimahúsi en konan var ásamt vinkonu sinni í einu svefnherbergi íbúðarinnar sem og knattspyrnumaðurinn.

Vinkonan lét sig svo hverfa en konan bað hana vinsamlegast um að loka dyrunum ekki.

,,Það sem ég man eftir það er að meðleigandi minn kemur að hurðinni og bankar fast og spyr hvað sé í gangi.“

,,Fótboltamaðurinn notaði kodda til að hylja sig en það kemur mér á óvart að hann hafi jafnvel opnað dyrnar.“

Stuttu seinna þá komst konan að því að maðurinn hafði tekið kynlíf þeirra upp og sást sýna öðrum viðstöddum myndbandið.

Konan kemur undir nafninu ‘Chloe’ í breskum miðlum en hún segist aldrei hafa farið með málið til lögreglunnar og að það hafi verið grafið og gleymt í átt ár.