Kjartan Henry Finnbogason framherji FH vildi ekki taka þátt í „PR-stunti“ KR eins og hann orðar það. KR ætlaði að heiðra Kjartan Henry fyrir framlag hans til KR í gær fyrir leik gegn FH. Kjartan afþakkaði það á þeim tímapunkti.
Síðast haust ákvað KR að hætta að spila Kjartani til þess að losna við hann af samningi, fannst mörgum KR koma illa fram þar við uppalinn leikmann sem hafði gefið KR mikið bæði á vellinum og fjárhagslega.
Kjartan Henry var spurður út í málið á Stöð2 Sport eftirleik. „Afþakkaði ég? Ég kom úr upphitun fimm mínútum fyrir leik og var sagt að ég væri að fá skjöld, ég sagði nei takk. Ég bý á Meistaravöllum og þeir vita það, ég ætla ekki að standa í PR stunti fyrir þá,“ sagði Kjartan við Stöð2 Sport eftir leik.
Láru Orri Sigurðsson sérfræðingur Stöð2 Sport var ekki ánægður með Kjartan og sagði. „Þurfa menn ekki að koma upp úr sandkassanum?,“ sagði Lárus.
„Hann vill fá þetta en ekki fá þetta fyrir leikinn. Getið þið skilið það?,“ sagði Guðmundur Benediktsson um málið þegar hann stýrði þættinum.
Lárus orri var ekki á því og sagði. „C´Mon, verum fullorðnir og KR er að teygja sig í áttina að honum. Dapurt,“ sagði Lárus.
Guðmundur segir þó að Kjartan hafi rétt á því að vilja ekki taka þátt í svona rétt fyrir leik „Hann hefur fullan rétt á því að hafa ekki áhuga á því fyrir leik.“
Kjartan samdi við FH eftir að KR ákvað að henda honum burt frá félaginu en KR hætti að spila Kjartani um mitt sumar þegar hann var nálægt því að virkja ákvæði sem hefði framlengt samning hans um eitt ár.
