Fyrirsætan Cindy Kimberly sem er unnusta Dele Alli styður sinn mann eftir að hann sagði frá mjög erfiðu lífi sínu í dag. Hann talaði um uppeldi sitt og misnotkun.

Alli opnaði sig einnig um það að hann hefði verið að koma úr meðferð eftir að hafa misnotað svefnlyf og áfengi undanfarin ár.

„Svo stolt af Dele,“ skrifar Kimberly á samfélagsmiðla og styður sinn mann.

Alli talar ekki við foreldra sína í dag en ungur að árum fór hann á fósturheimili. „Þegar ég var sex ára gamall var ég misnotaður kynferðislega af vini móður minnar. Hún var alkahólisti,“ sagði Alli og átti skiljanlega erfitt með að halda aftur af tárunum,

Knattspyrnuheimurinn stendur með Alli en David Beckham, Jack Grealish, Marcus Rashford og fleiri hafa stutt Alli stuðning en hann vonast til að komast á fulla ferð í fótboltanum aftur.

Alli er leikmaður Everton í dag en félagið sýnur honum gríðarlegan stuðning og ætlar að hjálpa honum í gegnum erfiða tíma.

Um meðferina í Bandaríkjunum segir Alli. „Ég fór þangað í sex vikur. Everton studdi mig mikið og ég verð þakklátur þeim að eilífu. Ég hefði ekki getað beðið um betri stuðning eftir að hafa tekið erfiðustu ákvörðun lífs míns. Ég var að gera eitthvað sem ég var mjög hræddur við en ég er svo glaður að hafa gert það.“