Fyrirsætan og sjónvarpsstjarnan Suzy Cortez er gjörsamlega heltekin af knattspyrnustjörnunni Lionel Messi. Hún hefur ekki beint fengið mikla athygli til baka frá Messi en nýir liðsfélagar kappans virðast uppteknir af henni.

Cortez hefur lengi verið heltekin af Messi og er til að mynda með húðflúr af honum á bakinu og fyrir ofan sitt allra heilagasta.

Aðdáun Cortez á Messi hefur þó stundum gengið of langt og hefur kappinn þurft að blokka hana á samfélagsmiðlum eftir að hún sendi honum fjölda nektarmynda.

Messi gekk á dögunum í raðir Inter Miami á frjálsri sölu frá Paris Saint-Germain.

Cortez sýndi á dögunum að 13 núverandi leikmenn Inter Miami fylgjast með reikningi hennar. Mátti sjá nöfn Harvey Neville, Sergey Kryvtsov, Ian Fray, Robbie Robinson, Corentin Jean, Nicolas Stefanelli, Josef Martinez, Felipe Valencia, Rodolfo Pizarro, Gregore, Edizon Azcona.

Mátti sjá að einhverjir þeirra höfðu skoðað djarfa mynd af henni.

Þá hafa fyrrum leikmenn einnig skoðað reikning Cortez.

Það er spurning hvort Cortez takist loks að komast nær Messi í gegnum nýja liðsfélaga hans sem virðast vera aðdáendur hennar.